NEXT GENERATION EU FUNTSAK: IKEIREN ZERBITZU-ESKAINTZA

Berriak

Fast Track Innobideak 2024: Negozio-eredu berriak sortzera bideratutako berrikuntza-proiektuak

Apirilaren hasieran, SPRIk "Fast Track Innobideak" laguntza-programa ireki zuen, enpresei berrikuntza-proiektuetan laguntzeko. Proiektu horiek enpresaren produktuak eta zerbitzuak indartu eta hobetuko dituzten negozio-eredu berriak sortzera, produktuak edo ekoizpen-prozesuak hobetzeko teknologiak sartzera eta negozio-prozesuak optimizatzera bideratuta daude.

Itzuli beharrik gabeko 250.000 eurorainoko laguntzak dira, proiektuaren kostuen % 50erainoko estaldurarako; diruz lagundu daitekeen egitateak oinarri teknologikoko berrikuntzarekin lotutako alderdiei egiten die erreferentzia, enpresa-lehiakortasuna bultzatzera bideratuta.

Ildo horretan, IKEIk eta OCTANTISek (TECNALIA Taldea) IBRION aliantza abiarazi berri dute, enpresen lehiakortasuna bultzatzeko, oinarri teknologikoko negozio-aukerak garatuz. Estrategiaren eta teknologiaren arloko ezagutza eta esperientziaren konbinazio aitzindaria da, eta bezeroei beren lan-eremuetan teknologikoki sartzeak eskaintzen dituen negozio-aukerak ahalik eta gehien aprobetxatzea du helburu.

Horretarako, IBRIONek laguntza ematen die bezeroei teknologia bere negozio-estrategian integratzeko, negozio-aukeren prospekzioa, identifikazioa, diseinua eta martxan jartzea bultzatuz eta lagunduz, bai produktu/zerbitzuaren egungo eskaintzaren garapenari eta bereizketari dagokionez ikuspuntu teknologikotik, bai dibertsifikazio-prozesuei ekiteari dagokionez, teknologia elementu bereizgarri gisa hartuta (produktu-eskaintza berria eta negozio-eredu berriak garatzea; bezero-sektoreen oinarri berria garatzea...).

IBRIONeko taldeak ezagutza eta esperientzia egiaztatua du aipatutako edozein ekintzari heltzen laguntzeko, bai eta programa honetarako laguntza-eskaera aurkezteko ere.

Zuen esanetara gaude harreman bat izateko eta horrelako proiektuetan laguntzeko dugun modua zabaltzeko.

Informazio gehiago:

https://www.ibrion.eu/