Bat-egiteak eta Eskuratzeak (M&A): 2022ko lehen lauhilekoaren balantzea

Eragiketa kopuruari eta inbertsio-bolumenari dagokienez ekitaldi errekorra izan ondoren, bat-egite eta eskuratzeen Espainiako merkatuak 2022ko ekitaldiari ekin dio urteko lehen 4 hilabeteetan 898 transakzio itxita eta 27.118M €-ko inbertsio-balio erantsiarekin (balio ezagunak dituzten eragiketen arabera; 105,5M €-ko batez besteko inbertsio-bolumena).

Zifra horiek aurreko ekitaldiko azken 4 hilabeteetan ikusitakoekin alderatuz gero, Espainiako merkatu transakzionalaren dinamismoa moteldu egin dela ikus daiteke, izan ere, itxitako eragiketen kopurua -%32,1 murriztu da, baita deal value-ak argitaratu dituzten eragiketen inbertsioaren batez besteko bolumena, -%29,5, ere.

Hala ere, uzkurtze horrek, 2021eko azken lauhilekoarekin alderatuta, ez du esan nahi merkatu nazionaleko M&Aren jarduera historikoki maila altuetan mantendu ez denik: 2022ko lehen lauhileko honetan 2021eko lehen lauhilekoan gertatutakoarekin alderatuz gero, itxitako eragiketen kopurua +%33,4 hazi dela ikus daiteke, eta inbertsioaren batez besteko balioa +%10,9.

Sektorekako transakzioetan arreta jarriz, 2021eko joerari jarraituz enpresa-zerbitzuei, IKTei eta higiezinen jarduerei lotutako jarduerek izan dute jarduerarik handiena 2022ko apirilera arte, eta lauhilekoan itxitako transakzioen % 41,3 bildu dute hiru sektoreen artean ( %18,9, %13,6 eta %8,8, hurrenez hurren).

Sektore gehienetan eragiketa kopuruak behera egin badu ere, 2021eko azken lauhilekoaren aldean, Industria farmazeutikoak, Komunikabideek eta Bioteknologiak eta bizi-zientziek antzeko erritmoari eutsi diote.

Prezioaren ikuspegitik, 2021ean Europa mailan burututako transakzioetan ikusten diren multiploen ondoren, 2022ko lehen 4 hilabeteetan batez besteko multiploak puntu 1 baino gehiagoko atzerakada izan du, 8,46xEBITDAkoa da (Upper Middle Market eragiketetarako), aurreko ekitaldiko azken lauhilekoan ikusitako 9,56xEBITDAren aldean.

Uzkurtze hori, besteak beste, Ukrainako gerrak, inflazioak, hornidura-kateetako arazoek eta energiaren eta erregaiaren kostuen igoerak nazioarteko merkatuetan eragindako ziurgabetasunagatik justifikatzen da.

Hala ere, sektore guztiak ez dira berdin kaltetzen ari; Komunikabideekin eta Handizkako merkataritzarekin lotutako sektoreen multiploak dira hazkunderik handienak izan dituztenak 2022ko lehen lauhilekoan; aitzitik, garraio, karga eta biltegiratzearen sektorea eta energia hornikuntzarena nabarmentzen dira multiploaren murrizketagatik.

IKEI  M&A news-a helaraztea nahi izango bazenu, non enpresak erosteko eta saltzeko eragiketa korporatiboen xehetasunak eskaintzen ditugun, jarduera sektore nagusienetan erabilitako balorazio-multiploei inguruko informazioa barne, mesedez jakinarazi iezaguzu ondorengo inprimakiaren bitartez (harpidetzeko esteka).