Talde trebatua
Eta eskarmentuduna

Clara Izurieta

Bazkidea

Clara Izurieta Ekonomia eta Enpresa Zientzietako lizentziaduna da Euskal Herriko Unibertsitatean. Osasun Sistemen Analisirako Metodoen inguruko Ikasketa Aurreratuen Diploma ere eskuratu zuen Lyon-go Claude Bernard Unibertsitatean eta Higiezinen eta Hirigintzako Proiektuen Bideragarritasun-azterketak graduondokoa egina du Kataluniako Unibertsitate Politeknikoan.

6 urteko esperientzia du euskal administrazio publikoan: Eusko Jaurlaritzako Lurralde Antolamendua, Etxebizitza eta Ingurumen Saileko Finantza Plangintza eta Kudeaketako zuzendari eta Eusko Jaurlaritzako Justizia, Lana eta Gizarte Segurantza Saileko Plangintzako aholkulari eta Gizarte Aurreikuspeneko arduraduna izana da. 

IKEIn lanean hasi zenetik, sektorekako nahiz lurraldekako plangintza estrategikoko proiektuetan eta politika publikoen prospektiba eta ebaluazioko lanen garapenean espezializatu da; batez ere etxebizitza, enplegua, hezkuntza eta osasun gaietan.

IKEIko bazkide da.