Auzoetako planak egitea sustatzea, hori baitzen Irunen egindako azterketa soziologikoaren gomendio nagusietako bat, udalerriko 17 auzoen errealitatea eta haien gizarte-premiak ezagutzeko.

Azterlanak hainbat jarduera-gomendio identifikatzen ditu, auzoekiko harremana, hiri-ingurunearen kontserbazioa eta mantentzea, hiriko mugikortasuna hobetzea eta zerbitzuen eta ekipamenduen sarea bultzatzea helburu dutenak, besteak beste.

Horri esker, biztanleriak Irun eta auzoak bizileku gisa nola ikusten dituzten jakin ahal izan da. Irungo 17 auzoetako hiri-ingurunearen balorazioa jasotzen da, eta, horretarako, ingurumen-kalitatea, mantentze-lanak eta kontserbazioa, zerbitzuak, ekipamenduak, mugikortasuna eta gizarte-beharrak aztertzen dira. Azterlana amaitzeko, hobetu beharreko arloak identifikatu dira.

Proiektua egiteko metodologia bat erabili da, herritarren iritzia zuzenean ezagutzeko aukera eman duena, herritarrei egindako inkesta baten bidez, zuzeneko behaketaren bidez, hiriko elkarte-sarearekin eztabaida-taldeak antolatuz eta funtsezko eragileekin elkarrizketa sakonak eginez.

Duela gutxi aurkeztu zaio azterlana udalbatzari, eta etorkizuneko lan-ildoetarako orientabide gisa balio izatea espero da.