POCTEFA programaren mendebaldeko eremu funtzionalaren estrategia, IKEIren laguntzarekin egina, 14,8 milioi euroko deialdi batean zehaztuko da, mugaz gaindiko lankidetzako proiektu egituratzaileetarako.

POCTEFA 2021-2027ren programazio-aldi berriak berritasun gisa aurkezten du EGEF funtsen lurraldekatze-maila handiagoa, 5. Helburu Politikoaren bitartez: «Bere herritarrengandik hurbilago dagoen Europa», eta haren garapena, arlo funtzionalak bultzatuz. Ikuspegi horri esker, perimetro txikiagoetan esku hartu ahal izango da, eremu funtzional horietan bizi diren pertsonek eguneroko bizitzan eragin handiagoa izan dezaten.

Mendebaldeko Eremu Funtzionala Euskadik, Nafarroak eta Akitania Berriko hegoaldeak osatzen dute, eta POCTEFA programak identifikatutako bost eremu funtzionaletako bat da.

IKEIk eremu funtzional horren dokumentu estrategikoa prestatzen lagundu du: AFOMEF Lurralde Estrategia Integratua. Partaidetzaz diseinatutako estrategia horrek datozen urteetarako lehentasunezko esku-hartze ildoak ezartzen ditu mugaz gaindiko lurralde horretako enpleguaren, mugikortasunaren eta eleaniztasunaren ardatzetan. Eremu horietan proiektu egituratzaileak gauzatu ahal izango dira 2024ko udaberrian POCTEFA "AFOMEF" deialdi bakarra abiarazita. Deialdi hori lurraldeko Lurralde Estrategia Integratuaren helburuekin lerrokatuta egongo da, eta 14,8 milioi euroko zuzkidura izango du.

AFOMEF Lurralde Estrategia Integratua abenduaren 14an aurkeztu zen Ficoban (Irun), Akitania-Euskadi Nafarroa Euroeskualde Berria LLETak antolatutako ekitaldi batean.

AFOMEF - Mendebaldeko Eremu Funtzionala | Hendaye