Bat-egiteak eta Eskuratzeak (M&A): 2025eko bigarren lauhilekoaren balantzea

Espainiako M&A-ren merkatuak indarra hartu du 2025eko bigarren lauhilekoan, bai urteko lehen lau hilabeteekin, bai aurreko ekitaldiko aldi berarekin alderatuta ere, itxitako eragiketa kopuruari dagokionez dinamismo handiagoa erakutsiz.

Urte hasieran egindako aurreikuspenekin bat, merkatu nazionalean M&A jarduerak 2024ko bigarren seihilekoan hasitako goranzko joerari eutsi dio, eta 2025eko lehen zortzi hilabeteetan jarduera maila historikoki altuetara iritsi da. Horrela, 2025eko bigarren lauhilekoan guztira 1.175 eragiketa itxi dira, aurreko lau hilabeteekin alderatuta jardueran % 22,7ko igoera (+217 eragiketa) lortuz (% 62,3ko hazkundea aurreko urteko aldi berarekin alderatuta).

Balioa jakinarazitako eragiketen  batez besteko inbertsio-bolumenak ere maila historikoki altua lortu du (312 transakzio, guztizkoaren % 26,6). Bigarren lauhileko honetan, aurreko lau hilabeteekin alderatuta % 15,1eko hazkundea izan du, 117,2M€-ra iritsiz.

Aipatzekoa da bigarren lauhileko honetan hainbat “megadeals” gauzatu direla, 2024ko aldi berean ikusi zen joerari jarraituz (1.000M€-tik gorako “Deal Value” izan duten 10 eragiketa), besteak beste: Liberty Mediak Dorna Sports eskuratzea (4.200M€) edo Nidok Brookfieldi egoitza-zorro bat erostea (1.200M€).

Sektoreka banatutako transakzioei dagokienez, azken urteetako joerari jarraituz, enpresa zerbitzuak eta higiezinen jarduerak dira 2025eko bigarren lauhilekoan dinamismo handiena erakusten duten sektoreak, guztira itxitako eragiketen % 32,0 biltzen dituztenak (% 21,2 eta % 10,8, hurrenez hurren).

Prezioaren ikuspuntutik aztertuta, 2025eko maiatzetik abuztura Europar Batasunean amaitutako Upper Middle Market eragiketek batez besteko multiploaren berreskuratzea erakutsi dute, 2023an hasitako goranzko joerari jarraituz (nahiz eta noizbehinka kontrakzioak izan). Aldi honetako batez besteko multiploa 9,17x EBITDA izan da (aurreko lauhilekoaren gainetik, 0,61 puntuko aldearekin).

Bi sektore nabarmendu dira, bi digitu baino altuagoa den multiploa aurkezteagatik (10x EBITDA baino handiagoa): “Bioteknologia eta bizitza-zientziak” eta “Osasun-jarduerak eta gizarte-zerbitzuak”.

Urteko azken hilabeteei begira, aurreikusten da Espainiako M&A merkatuak bere dinamismoari eutsiko diola, eta horrek 2025a errekor historikoko eragiketa kopuruarekin ixtea ekar lezake.

IKEIren M&A News jaso nahi baduzu, bertan enpresen erosketa eta salmenta eragiketen xehetasunak eta jarduera-sektore nagusietan erabiltzen diren balorazio-multiploei buruzko informazioa eskaintzen baitugu, mesedez jakinarazi iezaguzu honako harpidetza-inprimaki honen bidez (harpidetzari esteka).

(*) Upper Middle Market EBko eragiketen multiploa