NEXT GENERATION EU FUNTSAK: IKEIREN ZERBITZU-ESKAINTZA

Berriak

2021eko lehen lauhilekoaren M&A balantzea

Bat-egite eta erosketen Espainiako merkatuak 631 operazio itxi ditu 2021 urteko lehen 4 hilabeteetan. Zifra horrek erakusten du 2020ko ekitaldiko azken hilabeteetan ikusitakoaren antzeko inbertsio-erritmoa dagoela, baina inbertsioaren bolumen agregatuari dagokionez %-42ko uzkurdura izan du (19.000M€), 2020ko azken lauhilekoarekin alderatuta. Hala ere, inbertsio-bolumenaren uzkurtze hori leunagoa da 2020ko aldi bereko datuekin alderatuz gero (-%24,8ko aldaketa 2019ko lehen lauhilekoarekin alderatuta).

M&A eragiketei dagokienez, 2021eko lehen hilabeteetan jarduera-maila handia mantentzea lortu da; gainera, aurreko krisi globaletan (2008ko krisia) ikusitakoa baino txikiagoa izan da eragiketa-kopuruaren uzkurtzea. Hala ere, jarduera-sektore guztiek ez dute portaera bera izan. Pandemiak eragin handiena izan duen sektoreetan (Aeronautika, Automozioa, Turismoa, besteak beste) itxitako eragiketen kopurua nabarmen jaitsi bada ere, beste sektore batzuetan eragiketa korporatiboak mantentzea edo areagotzea lortu da (Kimika, Nutrizioa, Maskotak Zaintzea, Osasuna, Teknologia Berriak eta Logistika).

Prezioaren ikuspegitik, aztertutako aldiko batez besteko eragiketa-multiploak gorakada txiki bat erakusten du 2020ko batez besteko multiploarekin alderatuta, baina aldeak daude aztertutako sektoreen portaeran, haien erakargarritasunaren arabera. Hala, batez besteko multiploa, 2021eko apirila ixtean, 9,03x EBITDA da (vs. 2020ko 8,95x EBITDA).

Bestalde, urteko lehen hilabete hauetan, atzerakada txiki bat izan da nazioarteko inbertsioa Espainiako merkatuan sartzeari dagokionez; izan ere, inbertsiogileen %73 jatorri nazionalekoak dira. Atzerriko inbertsioaren jatorriari eutsi egin zaio AEBetako, Erresuma Batuko eta Frantziako merkatuetan.

Nabarmentzekoa da arrisku-kapitaleko funtsek itxitako eragiketen %10,5ean parte hartu dutela urteko lehen 4 hilabeteetan, aurreko ekitaldiko aldi bereko ratioaren antzekoa.

Kalkuluen arabera, M&A merkatuak goranzko joera izango du datozen hilabeteetan, eta dinamismo handiagoa urteko azken laurdenean. Aldi horretan, pandemiaren eragina arindu egingo da, eta jarduera ekonomiko globala bere ohiko egoera berreskuratzen hasiko da.

M&A news-a helaraztea nahi izango bazenu, non enpresak erosteko eta saltzeko eragiketa korporatiboen xehetasunak eskaintzen ditugun, jarduera sektore nagusienetan erabilitako balorazio-multiploei inguruko informazioa barne, mesedez jakinarazi iezaguzu ondorengo inprimakiaren bitartez (harpidetzeko esteka).